ՀՀ սննդամթերքի անվտանգության տեսչական մարմնի Լոռու մարզային կենտրոնի տեսուչները ստուգում են իրականացրել «Արագածոտնի մարզի Ցամաքասարի հիմնական դպրոց» ՊՈԱԿ-ում և պարզել, որ դպրոցի խոհանոցը գործում է սանիտարահիգիենիկ նորմերի կոպիտ խախտումներով (Արագածոտնի մարզ, Թալինի տարածաշրջան)։

Մասնավորապես՝

• ճաշարանի սպասարկման սրահի հատակը չի ունեցել հարթ մակերես և չի գտնվել նորոգ վիճակում, պատերը հեշտությամբ մաքրվող չեն եղել և պատրաստված չեն եղել անջրանցիկ, չներծծող լվացվող նյութերից,
• սահմանված չի եղել սննդամթերքի արտադրության գործընթացում օգտագործվող արտադրական շինությունների, տեխնոլոգիական սարքավորումների և գույքի մաքրման, լվացման, ախտահանման, միջատազերծման և կրծողների ոչնչացման գործընթացների պարբերականություն,
• ապահովված չի եղել լվացող և ախտահանող նյութերի` սննդամթերքից առանձնացված պահման տարածքներով,
• ապահովված չի եղել բավարար քանակությամբ բնական և արհեստական օդափոխանակությամբ սանհանգույցներով՝ միացված գործող կոյուղուն, տեղակայված չեն եղել բավարար քանակությամբ լվացարաններով` տաք և սառը ջրով,
• բացակայել են անձնակազմի համար նախատեսված հանդերձարանները,

• աշխատակիցը ենթարկված չի եղել պարտադիր նախնական և պարբերական բժշկական զննության և չի ունեցել սանիտարական գրքույկ:

Դպրոցի ճաշարանի արտադրական գործունեությունը կասեցվել է, սահմանվել է խախտումները վերացնելու ժամկետ։

ցուցադրել ամողջը