ԿԱՍԵՑՎԵԼ Է «ԴՈՒՍՏՐ ՄԱՐԻԱՆՆԱ» ՍՊԸ-ԻՆ ՊԱՏԿԱՆՈՂ ԿԱԹԻ ՄԹԵՐՄԱՆ ՉՈՐՍ ԿԵՏԵՐԻ ԱՐՏԱԴՐԱԿԱՆ ԳՈՐԾՈՒՆԵՈՒԹՅՈՒՆԸ
ԿԱՍԵՑՎԵԼ Է «ԴՈՒՍՏՐ ՄԱՐԻԱՆՆԱ» ՍՊԸ-ԻՆ ՊԱՏԿԱՆՈՂ ԿԱԹԻ ՄԹԵՐՄԱՆ ՉՈՐՍ ԿԵՏԵՐԻ ԱՐՏԱԴՐԱԿԱՆ ԳՈՐԾՈՒՆԵՈՒԹՅՈՒՆԸ
2024-06-27 16:39:41
320
ՀՀ սննդամթերքի անվտանգության տեսչական մարմնի Երևանի և Գեղարքունիքի մարզային կենտրոնների տեսուչները վերահսկողական միջոցառումներ են անցկացրել «Դուստր Մարիաննա ՍՊԸ-ին պատկանող կաթի ընդունման կետերում: Դրանցից 4-ի՝ Գեղարքունիքի մարզի Ճամբարակ քաղաքում, Արագածոտնի մարզի Արագած, Սյունիքի մարզի Գորհայք և Շիրակի մարզի Զույգաղբյուր գյուղերում գործող կետերի, սանիտարահիգիենիկ պայմանները չեն համապատասխանել իրավական նորմերով սահմանված պահանջներին:
Մասնավորապես՝
- արտադրական շինությունների նախագծումը, դրանց կառուցվածքը, դասավորվածությունը և չափսերը չեն բացառել պարենային (սննդային) հումքի և սննդամթերքի, աղտոտված և մաքուր գույքի հանդիպակաց կամ խաչաձևվող հոսքերը,
- չի ապահովվել կենդանիների, այդ թվում՝ կրծողների և միջատների՝ արտադրական շինություններ ներթափանցումից պաշտպանությունը,
- չեն իրակակացվել տեխնիկական սարքավորումների անհրաժեշտ տեխնիկական սպասարկում և ընթացիկ վերանորոգման, արտադրական շինությունների մաքրման, լվացման, ախտահանման, միջատազերծման և կրծողների ոչնչացման գործընթացներ,
- չի ապահովվել կեղտի կուտակումներից, արտադրվող սննդամթերքում մասնիկները թափվելուց, բորբոսի առաջացումից արտադրամասի պաշտպանությունը,
- արտադրական շինությունների հատակների, պատերի, առաստաղի մակերևույթները պատրաստված չեն եղել անջրանցիկ, լվացվող, ախտահանվող նյութերից,
- արտադրական շինությունները չեն ունեցել բնական և մեխանիկական օդափոխության միջոցներ, սանհանգույցներ, ձեռքերը լվանալու համար նախատեսված լվացարաններ,
- արտադրական շինություններում պահվել են անձնակազմի անձնական և արտադրական հագուստ և կոշիկներ, արտադրության ընթացքում չօգտագործվող նյութեր և պարագաներ:
Տեսչական մարմնի ղեկավարի որոշմամբ՝ «Դուստր Մարիաննա ՍՊԸ-ին պատկանող կաթի ընդունման վերոնշյալ կետերի արտադրական գործունեությունը կասեցվել է, սահմանվել են խախտումներն ու անհամապատասխանությունները վերացնելու ժամկետներ:
![3_1719492097.png 3_1719492097.png](https://snund.am/public/storage/uploads/3_1719492097.png)
![4_1719492097.png 4_1719492097.png](https://snund.am/public/storage/uploads/4_1719492097.png)
![5_1719492097.png 5_1719492097.png](https://snund.am/public/storage/uploads/5_1719492097.png)
![6_1719492160.png 6_1719492160.png](https://snund.am/public/storage/uploads/6_1719492160.png)
![7_1719492160.png 7_1719492160.png](https://snund.am/public/storage/uploads/7_1719492160.png)
![8_1719492160.png 8_1719492160.png](https://snund.am/public/storage/uploads/8_1719492160.png)