ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՆՆԴԱՄԹԵՐՔԻ ԱՆՎՏԱՆԳՈՒԹՅԱՆ ՏԵՍՉԱԿԱՆ ՄԱՐՄԻՆ

ՀԱՅԱՍՏԱՆ-ՍԱՈՒԴՅԱՆ ԱՐԱԲԻԱ ՈԼՈՐՏԱՅԻՆ ԳՈՐԾԸՆԿԵՐՈՒԹՅԱՆ ԽՈՐԱՑՄԱՆ ԳՈՐԾՈՒՆ ՔԱՅԼԵՐ ԵՆ ԱՐՎՈՒՄ

ՀԱՅԱՍՏԱՆ-ՍԱՈՒԴՅԱՆ ԱՐԱԲԻԱ ՈԼՈՐՏԱՅԻՆ ԳՈՐԾԸՆԿԵՐՈՒԹՅԱՆ ԽՈՐԱՑՄԱՆ ԳՈՐԾՈՒՆ ՔԱՅԼԵՐ ԵՆ ԱՐՎՈՒՄ

ՏԵՍՆԵԼ ԲՈԼՈՐԸ

2025-05-07 18:41:28 ՀԱՅԱՍՏԱՆ-ՍԱՈՒԴՅԱՆ ԱՐԱԲԻԱ ՈԼՈՐՏԱՅԻՆ ԳՈՐԾԸՆԿԵՐՈՒԹՅԱՆ ԽՈՐԱՑՄԱՆ ԳՈՐԾՈՒՆ ՔԱՅԼԵՐ ԵՆ ԱՐՎՈՒՄ 76

An imageՀՀ սննդամթերքի անվտանգության տեսչական մարմնի ղեկավարի պարտականությունները կատարող Տիգրան Պետրոսյանն այսօր հանդիպել է Սաուդյան Արաբիայի շրջակա միջավայրի, ջրերի և գյուղատնտեսության նախարարության պատվիրակությանը՝ դոկտոր Բաքր բին Աբդ Ալ-Ռահման Ալ-Տարիֆի գլխավորությամբ:

Հանդիպման ընթացքում քննարկվել են կենդանիների հիվանդությունների կանխարգելման և վերահսկման ոլորտում երկու երկրների համագործակցության հնարավորությունները:

Տիգրան Պետրոսյանը ներկայացրել է Հայաստանում կենդանիների վարակիչ ու ոչ վարակիչ հիվանդությունների կանխարգելման և պայքարի անասնահամաճարակային միջոցառումների նկատմամբ վերահսկողության գործառույթները, իրականացման մեխանիզմերը, սահմանային պետական վերահսկողության գործընթացները։

Դոկտոր Բաքր բին Աբդ Ալ-Ռահման Ալ-Տարիֆը խոսել է ներմուծման և արտահանման հնարավոր երթուղիների կազմակերպման մասին:

Երկուստեք կարևորվել է գյուղատնտեսության ոլորտում առևտրատնտեսական հարաբերությունները զարգացնելու և խորացնելու, կենդանի կենդանիների ներմուծման և արտահանման համար առաջարկվող անասնաբուժական հավաստագրերի փոխադարձ հաստատման անհրաժեշտությունը։