ՀՀ սննդամթերքի անվտանգության տեսչական մարմնի տեսուչների վերահսկողության արդյունքում կասեցվել էր անհատ ձեռնարկատեր Ալբերտ Հակոբյանին պատկանող կաթնամթերքի արտադրամասում (Լոռու մարզ, ք. Սպիտակ, Շահումյան 4/7) արտադրվող «Պանիր չանախ» և «Կարագ 82,5% յուղայնությամբ» արտադրատեսակների արտադրությունը, որոնցում հայտնաբերվել էին մանրէաբանական շեղումներ:

Լաբորատոր կրկնակի հետազոտության արդյունքներով «Պանիր չանախ» արտադրատեսակի նմուշում անհամապատասխանություններ չեն հայտնաբերվել. այս արտադրատեսակի արտադրությունը կվերսկսվի:

«Կարագ 82,5% յուղայնությամբ» արտադրատեսակի նմուշում, սակայն, արձանագրվել է անհամապատասխանություն. այն մեզոֆիլ աէրոբ և ֆակուլտատիվ անաէրոբ մանրէներն (ՄԱՖԱնՄՔ) ցուցանիշով չի համապատասխանել Մաքսային Միության տեխնիկական կանոնակարգի պահանջներին։

Ղեկավարվելով վերահսկողության արդյունքներով՝

— վերացվել է «Պանիր չանախ» արտադրատեսակի արտադրության կասեցումը,
— պահպանվում է «Կարագ 82,5% յուղայնությամբ» արտադրատեսակի արտադրության կասեցումը՝ մինչև դրա համապատասխանեցումը տեխնիկական կանոնակարգով սահմանված պահանջներին։

Տնտեսավարողին հանձնարարվել է ձեռնարկել անհրաժեշտ միջոցներ համապատասխանեցնելու համար «Կարագ 82,5% յուղայնությամբ» արտադրատեսակը իրավական ակտերով սահմանված նորմերին:

ցուցադրել ամողջը