Հայաստանի Հանրապետության սննդամթերքի անվտանգության տեսչական մարմնի աշխատանքային խումբը, ՍԱՏՄ ղեկավարի տեղակալ Հայկ Սարգսյանի գլխավորությամբ, ՀՀ Տավուշի մարզում էր՝ սննդի շղթայում գործունեություն ծավալող մարզի տնտեսավարող սուբյեկտներին ներկայացնելու Վտանգների վերլուծության և հսկման կրիտիկական կետերի (HACCP) համակարգի մասին համապարփակ տեղեկատվություն:

Իջևանի «Լոֆթ» երիտասարդական կենտրոնում կազմակերպված հանդիպում-քննարկմանը ներկա էին մարզում գործող հանրային սննդի կետերի, հանրակրթական ուսումնական հաստատություններում գործող ճաշարանների, մանկապարտեզների ներկայացուցիչները։

ՍԱՏՄ Սննդամթերքի անվտանգության վարչության պետ Գոհար Վարդանյանը լսարանին ներկայացրել է, թե որքան կարևոր է սննդամթերքի անվտանգության ռիսկերը նվազագույնի հասցնելու և սննդամթերքի արտադրության ողջ շղթան կենսաբանական, քիմիական և ֆիզիկական վտանգներից պաշտպանելուն միտված այդ համակարգի առկայությունը սննդամթերք արտադրող/պատրաստող բոլոր ընկերությունների համար:

1․ Վտանգի աղբյուրների վերլուծություն

2․ Հսկման կրիտիկական կետերի հատկորոշում

3․ Կրիտիկական սահմանների որոշում

4․ Մշտադիտարկման համակարգի մշակում

5․ Ուղղիչ գործողությունների սահմանում

6․ Վերստուգում

7․ Փաստաթղթավորման համակարգի ստեղծում:

Տնտեսավարողներին նաև տեղեկացվել է, որ այս սկզբունքների կիրառումը իրենց խոհանոցներում ստուգվելու է ամենայն մանրամասնությամբ:

ցուցադրել ամողջը