Սննդամթերքի անվտանգության տեսչական մարմնի ղեկավարի որոշմամբ` կասեցվել էր անհատ ձեռնարկատեր Զոհրապ Թորոսյանին պատկանող արտադրական օբյեկտի՝ սպանդանոցի, արտադրական գործունեությունը (Արարատի մարզ, գ․ Բուրաստան):

ՍԱՏՄ անասնաբուժության վարչության տեսուչների ստուգման արդյունքում հայտնաբերվել էին սանիտարահիգիենիկ բնույթի խախտումներ, մասնավորապես՝ արտադրական օբյեկտի պատերին առկա են եղել վնասված, անհարթ և կոտրված հատվածներ, իսկ առաստաղների որոշ մասերում՝ բացվածքներ և մասնիկների թափվելու վտանգ։

Տեսուչների իրականացրած կրկնակի ստուգման արդյունքում արձանագրվել է, որ այս սպանդանոցում հիշատակված սանիտարահիգիենիկ նորմերի խախտումները վերացվել են։

Սպանդանոցի արտադրական գործունեության կասեցումը վերացվել է։

ցուցադրել ամողջը