Հունվարի 30-ին կայացել է Սննդամթերքի անվտանգության տեսչական մարմնի կառավարման խորհրդի նիստը, որը վարել է խորհրդի նախագահ, ՀՀ էկոնոմիկայի նախարար Գևորգ Պապոյանը։

Նիստի օրակարգում Տեսչական մարմնի 2025 թվականի գործունեության հաշվետվությունն էր։ ՍԱՏՄ ղեկավար Տիգրան Պետրոսյանը ներկայացրել է կառույցի նախորդ տարվա գործունեության արդյունքները, ինչպես նաև առաջիկա անելիքներն ու հիմնական թիրախները։

Նիստի ընթացքում Գևորգ Պապոյանն անդրադարձել է պլանային ստուգումներին` նշելով, որ պետք է մշակել սննդի շղթայում գործունեություն ծավալող կազմակերպությունների գրանցման առավել գործուն մեթոդներ և թույլ չտալ սննդամթերքի հետ չառնչվող կազմակերպությունների ընդգրկումը ստուգումների ծրագրում։

Քննարկվել են Էկոնոմիկայի նախարարության և Տեսչական մարմինների համակարգման գրասենյակի կողմից արձանագրված խնդիրների համատեղ լուծման հնարավորությունները:

Կառավարման խորհուրդը հավանություն է տվել ՍԱՏՄ 2025 թվականի գործունեության հաշվետվությանը:

ցուցադրել ամողջը