ՏԵՍՆԵԼ ԲՈԼՈՐԸ

2026-04-18 18:22:00 24

Սննդամթերքի անվտանգության տեսչական մարմնի սննդամթերքի անվտանգության վարչության տեսուչների կողմից «ՄՈՍԿԱՖԵ» ՍՊ ընկերությունում իրականացված անասնահամաճարակային մշտադիտարկման ընթացքում պարզվել է, որ խախտվել են սանիտարահիգիենիկ պահանջները, մասնավորապես՝

- հանրային սննդի կառույցի խոհանոցի պատերը որոշ տեղերում չեն ունեցել հարթ մակերես և չեն պահվել նորոգ վիճակում,

- հանրային սննդի կառույցի խոհանոցի առաստաղը և վերին ամրությունները կառուցված չեն եղել այնպես, որպեսզի կանխվի մասնիկների թափվելու հնարավորությունը։

Տեսչական մարմնի ղեկավարի որոշմամբ՝ կասեցվել է ք. Երևան, Աբովյան 18 հասցեում գործող «ՄՈՍԿԱՖԵ» ՍՊ ընկերության հանրային սննդի օբյեկտի արտադրական գործունեությունը:

Հավելենք, որ Տեսչական մարմնի ղեկավարի որոշմամբ՝ նախկինում ևս կասեցվել էր վերոնշյալ հանրային սննդի օբյեկտի արտադրական գործունեությունը, սակայն «Մոու Գրուպ» ՍՊԸ-ն, վերանվանվելով «ՄՈՍԿԱՖԵ» ՍՊԸ-ի և առանց նախկինում հայտնաբերված խախտումները վերացնելու, շարունակում է իր արտադրական գործունեությունը։

Սահմանվել է վերջնաժամկետ հայտնաբերված խախտումները վերացնելու համար: