Վերացվել է երեք արտադրամասերի գործունեության կասեցումը

2022-06-02 15:36:33 Վերացվել է երեք արտադրամասերի գործունեության կասեցումը 904

ՀՀ սննդամթերքի անվտանգության տեսչական մարմնի Երևանի կենտրոնի տեսուչները կրկնակի ստուգմամբ պարզել են, որ «Գոլդեն Չոյս» ՍՊԸ-ին պատկանող մսամթերքի արտադրությունում շտկվել են նախորդիվ հայտնաբերված սանիտարահիգիենիկ նորմերի բոլոր խախտումները:

Տեսչական մարմնի ղեկավարի որոշմամբ՝ ընկերության արտադրական գործունեության կասեցումը վերացվել է:

Վերացվել է նաև Շիրակի մարզում գործող երկու ընկերությունների՝ «Արթ-Հեստել» ՍՊԸ-ին պատկանող կրեմային հրուշակեղենի և անհատ ձեռնարկատեր Աստղիկ Անանյանին պատկանող լիմոնադի արտադրամասերի կասեցումը, քանի որ Շիրակի մարզային կենտրոնի տեսուչներն այս արտադրություններում արձանագրել են գործունեության վերսկսման համար պատշաճ հիգիենիկ պայմաններ: