Կանխվել է 1419 կգ ոչ սպանդանոցային ծագման մսի վաճառքը
Կանխվել է 1419 կգ ոչ սպանդանոցային ծագման մսի վաճառքը
2022-12-16 12:08:34
480
ՀՀ սննդամթերքի անվտանգության տեսչական մարմնի տեսուչների և ՀՀ ոստիկանության և պարեկային ծառայության համատեղ խստացված վերահսկողական միջոցառումների արդյունքում այսօր գիշերը խափանվել է ոչ սպանդանոցային ծագման մսի մեծ խմբաքանակի մուտքը իրացման ցանց:
Մասնավորապես՝ Լոռու մարզի Ալավերդի-Վանաձոր մայրուղու անցակետում կանգնեցված մեքենայում հայտնաբերվել է 100 կգ, իսկ Տավուշի մարզի Դիլիջան-Սևան մայրուղու անցակետում կանգնեցված մեքենայում՝ 659 կգ տավարի մսեղիք, որը տեղափոխվել է առանց անասնաբուժական 5-րդ ձևի ուղեկցության:
Նաև՝ Գեղարքունիքի մարզի մսի իրացման երկու կետերում հայտնաբերվել է 660 կգ ոչ սպանդանոցային ծագման միս, որի վաճառքը կասեցվել է:
Ընդհանուր առմամբ՝ կանխվել է 1419 կգ ոչ սպանդանոցային ծագման մսի վաճառքը:
Տեսչական մարմնի Լոռու, Տավուշի և Գեղարքունիքի մարզային կենտրոնների տեսուչների կողմից կազմվել են արձանագրություններ թե՛ տնտեսավարողների, թե՛ տեղափոխող անձանց վերաբերյալ, որոնք կենթարկվեն վարչական պատասխանատվության:
Տրվել են նաև հայտնաբերված մսեղիքն օգտահանելու կամ ոչնչացնելու մասին կարգադրագրեր:
![1տ_1671178142.jpg 1տ_1671178142.jpg](https://snund.am/public/storage/uploads/1տ_1671178142.jpg)
![2g_1671178142.jpg 2g_1671178142.jpg](https://snund.am/public/storage/uploads/2g_1671178142.jpg)
![2տ_1671178146.jpg 2տ_1671178146.jpg](https://snund.am/public/storage/uploads/2տ_1671178146.jpg)