ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՆՆԴԱՄԹԵՐՔԻ ԱՆՎՏԱՆԳՈՒԹՅԱՆ ՏԵՍՉԱԿԱՆ ՄԱՐՄԻՆ

Հանրային սննդի օբյեկտն ու հացի արտադրամասը կվերսկսեն գործունեությունը միայն խախտումները վերացնելուց հետո

Հանրային սննդի օբյեկտն ու հացի արտադրամասը կվերսկսեն գործունեությունը միայն խախտումները վերացնելուց հետո

ՏԵՍՆԵԼ ԲՈԼՈՐԸ

2023-08-03 17:25:13 Հանրային սննդի օբյեկտն ու հացի արտադրամասը կվերսկսեն գործունեությունը միայն խախտումները վերացնելուց հետո 583

An imageՀՀ սննդամթերքի անվտանգության տեսչական մարմնի Սյունիքի մարզային կենտրոնի տեսուչների կողմից իրականացված վերահսկողական միջոցառումերի արդյունքում անհատ ձեռնարկատեր Արմեն Մաիլյանին պատկանող հանրային սննդի օբյեկտում և հացի (լավաշի) արտադրամասում (Սյունիքի մարզ, ք. Կապան) հայտնաբերվել են իրավական ակտերով սահմանված սանիտարահիգիենիկ նորմերի կոպիտ խախտումներ: Մասնավորապես՝
- պատերը և մարկերևույթները չեն ունեցել հարթ մակերես, առկա է եղել կեղտի կուտակման, գոլորշու խտացման, անցանկալի բորբոսների աճի և մասնիկների թափվելու հնարավորություն,
- չեն ապահովվել կենդանիների, այդ թվում՝ կրծողների և միջատների մուտքը արտադրական շինություններ բացառելու միջոցներ,
- բոլոր սարքավորումները, գործիքները, որոնք անմիջական շփման մեջ են գտնվում սննդամթերքի հետ, ենթարկված չեն եղել պատշաճ մաքրման ու ախտահանման,
- սննդամթերքը պահվել է ոչ սննդային արտադրանքի հետ,
- հանրային սննդի օբյեկտն ու հացի (լավաշի) արտադրամասն ապահովված չեն լվացող և ախտահանող նյութերի առանձնացված պահման տարածքով,
- սննդամթերքի հետ շփվող անձնակազմը (5 աշխատակից) չի ենթարկվել պարտադիր նախնական և պարբերական բժշկական զննությունների։
Հանրային սննդի օբյեկտի և հացի (լավաշի) արտադրամասի արտադրական գործունեությունները կասեցվել են, սահմանվել է հայտնաբերված խախտումները վերացնելու ժամկետ: