Սննդամթերքի անվտանգության տեսչական մարմնի աշխատակիցները մասնակցել են Առողջապահության համաշխարհային կազմակերպության նախաձեռնած «Համաճարակաբանական տեղեկատվություն բաց աղբյուրներ (ՀՏԲԱ)» խորագրով դասընթացին։

Դասընթացի ընթացքում ներկայացվել են հանրային առողջությանը սպառնացող՝ մարդու և կենդանիների համար ընդհանուր հիվանդությունների վաղ հայտնաբերման, հաստատման, գնահատման և դրանց վերաբերյալ տեղեկատվության ձեռքբերման հիմնական մեխանիզմները, կանխարգելման համապատասխան միջոցառումների հաջորդականությունը։

Մասնակիցները ծանոթացել են բաց աղբյուրներից համաճարակաբանական տեղեկատվության ստացման համակարգի օգտագործման գործընթացին՝ համաճարակային հսկողության և հանրային առողջության համար վտանգ ներկայացնող իրադարձությունների վաղ բացահայտման համար։

Դասընթացը Հայաստանում Միջազգային առողջապահական կանոնների (2005) ներդրման ուղղությամբ իրականացած հերթական քայլերից է, և այն հնարավորություն կտա պատասխանատու կառույցներին առավել թիրախային և հետևողական քայլեր ձեռնարկել ոլորտային գործընթացների կազմակերպման հարցում։

ցուցադրել ամողջը