Կոտայքում կասեցվել է հանրային սննդի օբյեկտի արտադրական գործունեությունը
Կոտայքում կասեցվել է հանրային սննդի օբյեկտի արտադրական գործունեությունը
2023-11-16 14:57:40
363
ՀՀ սննդամթերքի անվտանգության տեսչական մարմնի Երևանի կենտրոնի տեսուչները «Արեգ 2010» ՍՊԸ-ին պատկանող հանրային սննդի օբյեկտում իրականացրած ստուգման ընթացքում պարզել են, որ այն գործում է իրավական ակտերով սահմանված սանիտարահիգիենիկ նորմերի խախտումներով (Կոտայքի մարզ, գ. Ջրվեժ):
Մասնավորապես՝
- - սննդի կառույցը նախագծված և տեղակայված չի եղել այնպես, որ բացառվի կեղտի կուտակումը, թունավոր նյութերի հետ շփումը, օտար մասնիկների թափանցումը, գոլորշու խտացումը կամ անցանկալի բորբոսի առաջացումը,
- - սննդի օբյեկտում հնարավոր չի եղել կիրառել հիգիենայի պատշաճ մեթոդներ՝ ներառյալ աղտոտումից պաշտպանումը և միջատների դեմ պայքարը,
- - հատակը և պատերը չեն եղել նորոգ վիճակում, չեն ունեցել հարթ մակերես, սալիկները եղել են պոկված և կոտրված,
- - սեղանները և սննդամթերքի հետ անմիջական շփման մեջ գտնվող մակերևույթները չեն պահվել նորոգ վիճակում, չեն եղել հարթ, հեշտությամբ մաքրվող և ախտահանվող:
Հանրային սննդի օբյեկտի արտադրական գործունեությունը կասեցվել է, սահմանվել է ժամկետ հայտնաբերված խախտումները վերացնելու համար:
![nkar2_1700132471.jpg nkar2_1700132471.jpg](https://snund.am/public/storage/uploads/nkar2_1700132471.jpg)
![nkar3_1700132471.jpg nkar3_1700132471.jpg](https://snund.am/public/storage/uploads/nkar3_1700132471.jpg)
![nkar4_1700132471.jpg nkar4_1700132471.jpg](https://snund.am/public/storage/uploads/nkar4_1700132471.jpg)
![nkar8_1700132471.jpg nkar8_1700132471.jpg](https://snund.am/public/storage/uploads/nkar8_1700132471.jpg)