Արարատում գազավորված ըմպելիքների արտադրամասի արտադրական գործունեությունը կասեցվել է
Արարատում գազավորված ըմպելիքների արտադրամասի արտադրական գործունեությունը կասեցվել է
2023-12-08 14:32:58
395
«Սիսմուր» ՍՊԸ-ին պատկանող գազավորված ըմպելիքների արտադրամասում ստուգման ընթացքում ՀՀ սննամթերքի անվտանգության տեսչական մարմնի Արարատի մարզային կենտրոնի տեսուչները պարզել են, որ այն գործում է իրավական ակտերով սահմանված սանիտարահիգիենիկ նորմերի խախտումներով (Արարատի մարզ, գ. Արևշատ)։
Մասնավորապես՝
- չի իրականացվել տեխնիկական սարքավորումների անհրաժեշտ տեխնիկական սպասարկում և ընթացիկ վերանորոգում, արտադրական շինությունների մաքրում, լվացում և ախտահանում,
- արտադրական շինության պատերի և հատակի մակերևույթները պատրաստված չեն եղել անջրանցիկ, լվացվող նյութերից,
- չի կանխարգելվել կեղտի կուտակումը, բորբոսի առաջացումը և մասնիկների թափվելու հնարավորությունն ու խոնավության խտացումը,
- բոլոր գործիքները, պարագաները կառուցված չեն եղել հիգիենայի պահանջները բավարարող նյութերից և չեն պահվել նորոգ ու բարվոք վիճակում, չեն ենթարկվել պատշաճ մաքրման ու ախտահանման,
- չի ապահովվել կրծողների և միջատների արտադրական շինություններ ներթափանցումից պաշտպանությունը, չի իրականացվել դրանց ոչնչացման գործընթաց,
- ապահովված չի եղել ձեռքերը լվանալու համար նախատեսված լվացարաններով, ինչպես նաև լվանալու և չորացնելու համար նախատեսված միջոցներով,
- սննդի կառույցն ապահովված չի եղել անձնակազմի համար հանդերձարանով,
- սննդի շղթայում ներգրավված աշխատակիցները չեն ենթարկվել պարտադիր նախնական և պարբերական բժշկական զննությունների, կայացվել է որոշում ժամանակավորապես աշխատանքի չթույլատրելու վերաբերյալ,
- սննդամթերք տեղափոխող փոխադրամիջոցը չի ունեցել սանիտարական անձնագիր:
Գազավորված ըմպելիքների արտադրամասի արտադրական գործունեությունը կասեցվել է, սահմանվել է ժամկետ հայտնաբերված խախտումները վերացնելու համար։
![09_1702031690.jpg 09_1702031690.jpg](https://snund.am/public/storage/uploads/09_1702031690.jpg)
![11_1702031690.jpg 11_1702031690.jpg](https://snund.am/public/storage/uploads/11_1702031690.jpg)
![12_1702031690.jpg 12_1702031690.jpg](https://snund.am/public/storage/uploads/12_1702031690.jpg)
![13_1702031690.jpg 13_1702031690.jpg](https://snund.am/public/storage/uploads/13_1702031690.jpg)