Բնական կարագը պարունակում է օրգանիզմի համար շատ կարևոր վիտամիններ ՝ A, D և E և օգտագործումը դրական ազդեցություն է ունենում տեսղության, մաշկի վիճակի վրա, օգնում է կենտրոնական նյարդային համակարգին։ Օրվա ընթացքում 20 գրամ բնական կարագ օգտագործելը մարդու օրգանիզմի համար շատ օգտակար է։

Իսկ ինչպե՞ս իմանալ՝ կարագը բնակա՞ն է, թե՞ ոչ։

1. Ուշադրություն դարձրեք կարագի բաղադրությանը.բնական կարագի բաղադրության մեջ չեն մտնում տարբեր բուսական յուղեր, այն պետք է պարունակի միայն կաթ և սերուցք։
2. Եթե փաթեթավորման վրա գրված չէ «կարագ», դա ևս առիթ է՝ մտածելու համար՝ արդյոք փաթեթի ներսում մարգարին կամ սփրեդ չէ՞։
3. Բնական կարագը տարբերել կարելի է նաև գնի միջոցով.կովի բնական կաթից պատրաստված կարագն ավելի թանկ է, քան դրա փոխարինիչները։
4. Եթե փաթեթավորումը բացելու հնարավորություն ունեք, ուշադրություն դարձրեք կարագի գույնին։ Այն պետք է ոչ մուգ դեղին լինի, ոչ էլ սպիտակ։
5. Բնական կարագը շոշափելիս պինդ է. կովի կաթից պատրաստված կարագը չի կեղտոտի փաթեթավորումը, ինչպես նաև՝ չի մնա մաշկի վրա։
6. Անհրաժեշտ է ուշադրություն դարձնել կարագի պիտանելիության ժամկետին.կովի կաթից պատրաստված կարագը կարող է պահպանվել 10 օր և ոչ ավելի։ Եթե այն մետաղական տարայում է, ապա՝ ոչ ավելի, քան 3 ամիս։ Եթե արտադրողը պահպանման առավել երկար ժամանակահատված է նշում, նշանակում է՝ գործ ունեք կոնսերվանտների հետ։
7. Եթե կարագը բնական է, ապա այն հավասարաչափ կհալվի. իսկ եթե վերևի հատվածում կաթիլներ են հայտնվում, նշանակում է՝ գործ ունեք մարգարինի հետ։
8. Երբ բնական կարագը սառը վայրից տեղափոխում են տաք վայր,այն փափկում է, բայց չի հալվում՝ ի տարբերություն մարգարինի, որն արագ սկսում է հալվել։
9. Որակյալ սերուցքից պատրաստված կարագը պինդ է և հարթ.կտրելիս կնկատեք, որ այն փայլուն է, առանց շերտավորման։
10. Բնական կարագը չպետք է փշրվի սառնարանից հանելուց անմիջապես հետո. այն հացի վրա քսվում է խիտ, միասեռ շերտով։

ցուցադրել ամողջը