ՀՀ-ից ԵՄ արտահանվող հայկական արտադրության բնական մեղրի համար արտահանման հայտ ներկայացնելու ժամանակ մարզային կենտրոն պետք է ներկայացնել հետևյալ փաստաթղթերը․
1. Հաշիվ ապրանքագիր
2. Ծագման սերտիֆիկատ
3. Համապատասխանության հայտարարագիր
4. Լաբորատոր փորձարկման արձանագրություն (ցուցանիշները որոշում է արտահանողը, համաձայն ներմուծող երկրի պահանջների)
5. Այլ փաստաթղթեր (ներմուծող երկրի պահանջի դեպքում, որը պետք է մարզային կենտրոնին հայտնի արտահանողը կամ դիմի Տեսչական մարմնին, որպեսզի Տեսչական մարմինն իրականացնի հարցում)

** Եթե համապատասխանության տեղեկանքի կամ անասնաբուժական սերտիֆիկատի մեջ անհրաժեշտ է նշել տեղեկատվություն, որն առկա չէ արտահանողի ներկայացրած վերոնշյալ փաստաթղթերում, ապա արտահանողը պարտավոր է ներկայացնել այդ տեղեկատվությունը հիմնավորող լրացուցիչ փաստաթուղթ։
** Արտահանողը պարտավոր է յուրաքանչյուր խմբաքանակ արտահանելուց առաջ ճշտել ներմուծող երկրի պահանջները, համուզվել, որ իր արտադրանքը համապատասխանում է ներմուծող երկրի պահանջներին և նոր արտահանման թույլատվական փաստաթուղթ ստանալու համար դիմել Տեսչական մարմին։

Փաստաթղթերը Տեսչական մարմին ներկայացնելուց հետո (անհամապատասխանություններ չլինելու դեպքում) 1 աշխատանքային օրվա ընթացքում տրամադրվում է համապատասխանության տեղեկանք։

Այնուհետև արտահանողը «ՀՀ արտաքին առևտրի ազգային մեկ պատուհան» հարթակում տեղադրված «Թույլատվական փաստաթղթեր» համակարգով ստեղծում է միասնական հայտ, որտեղ կցում է վերոնշյալ 5 պահանջներին վերաբերող փաստաղթերը, ինչպես նաև Տեսչական մարմնի տրամադրած համապատասխանության տեղեկանքը։

Ներկայացված գործառնություններն ապահովելուց հետո Սննդամթերքի անվտանգության տեսչական մարմինը տրամադրում է առողջության սերտիֆիկատ։

ԵՄ մեղր արտահանող ընկերությունները պետք է հավանություն ստանան արտահանող երկրների իրավասու մարմինների կողմից (Հայաստանում՝ ՀՀ սննդամթերքի անվտանգության տեսչական մարմնից)։

Համապատասխան հավաստագիր ստացած ընկերությունների ցանկը կփոխանցվի Եվրոպական հանձնաժողով և կհրապարակվի «TRACES» համակարգում, որը հասանելի է հետևյալ էլեկտրոնային հղմամբ՝
https://webgate.ec.europa.eu/tracesnt/directory/listing/establishment/publication/index#!/search?classificationSectionId=HONEY_AND_OTHER_APICULTURE&classificationSectionChapter=food&countryCode=AM:
2024 թվականի նոյեմբերի 29-ից միայն նշված կայքում հրապարակված ընկերությունները կկարողանան շարունակել մեղրի արտահանումը։
Լրացուցիչ մանրամասները հասանելի են «AGRINFO» զեկույցում, որը հասանելի է հետևյալ էլ․ հղմամբ՝ https://agrinfo.eu/book-of-reports/mandatory-listing-of-establishments-exporting-honey-and-clarifications-on-animal-products/ :